ASASA livly 樂園

　
　
　
　

•  

對不起哦

冷落呢邊喇，實在已經頂唔順 motime 忽然亂碼同埋突然字體變細，如果唔係一向當慣呢邊係我既「垃圾桶」，我一早就「手起刀落」咗喇！

話說，20 號嗰日，為咗不讓小甜甜龔小姐專美，我同廢柴哥都上演過一單「爭產案」。
咁，邊個贏？呵呵，且聽我說：
sa：「22 同 23 號我要放假，男友生日。」
柴：「23 號下晝我都要放喎（星期五陪女友例假）。」

補充一句，老細一向冇所謂啲馬邊日放乜假，但總之要有個人響度撐場。

sa：「你有乜事呀？不如放少次啦。」
柴：「唔得呀。妳放 21 號，23 號下晝返嚟啦。」

屌，你邊撚個呀，我放邊日假洗你嚟安排？

sa：「唔得喎，放 21 號太趕！我未準備得切喎！」
柴：「唔。唔得。」

傾唔掂，惟有僵持。

sa：「咁閣下嗰日到底有乜要做呢？」
柴（欲語還休）：「總之唔得，妳早啲講都或者重可以。」
估唔到佢呢句話竟然，忽然，為我帶嚟曙光！
sa：「咦！我真係一早講咗架喎！」

柴意圖發聲，我已經大大聲擰轉身同隔離組負責編更同事講：「美麗妳話嘞，我一早講咗自己要放假架！」
美麗（雙目精光一閃）：「係～～呀～～妳一早叫我唔好編妳更嘛嗰幾日！一早講定晒咁！」
估唔到連隔離組老細都和應：「係啦！sa 妳洗唔洗咁冤氣呀！全 office 都知妳要放假陪男友啦！一早講定晒慌死人唔知咁！」

我緩緩擰返轉頭望住柴哥。

柴：「咁……好啦，妳話妳一早講咗，妳放啦！」
sa（甜笑）：「thank you！」

嗱，其實我真係一早講咗架，不過嗰陣時早咗成個月，其實都預咗柴哥唔會記得架，要 re-confirm 先有得放……但鬼叫柴哥鬼拍後尾枕，自己指咗條生路俾我行咩！
所以話，係你既，始終係你既！

不過我既同事又真係特別精靈咗啲囉！哈哈哈哈～～

By asasa at 14:18 | link | comments (4) | joooob

香港 mero ring

眼見日本方面的 mero ring 巨火，現代化的香港沒理由落後如此！老弟研究良久，終於搞掂 system，首創「香港 mero ring」！

各位香港水滴爸媽，歡迎 click 我 side bar 裏的 sticker 或 logo 加入！

「香港代表」的官方的 logo 已有，不過當有少許細節還在修葺當中，暫時大家用的 sticker／banner／button／logo 可謂百花齊放，但相信很快便能搞定。

 hong kong mero owners, come join us!!

By asasa at 08:10 | link | comments (2) | mero, useful links

美國心理測驗

轉貼自依戀魚

Ｌ小姐和Ｍ先生是一對戀人，兩人隔河而居，那條河不寬，也不闊。

有一天，Ｍ先生得了急病，Ｌ小姐知道了心急如焚。
但是那一天出現了暴風雨，河水暴漲，風急雨勁，Ｍ先生叫她不要去探望他，可是Ｌ小姐還是要不顧一切去看看他。

於是她去找Ｂ先生，因為Ｂ先生有一條船，有能力送她過河。
可是，Ｂ先生卻要收過河費一百萬，即使她向他解釋Ｍ先生的情況，他始終不為所動。

Ｌ小姐當然沒有那麼多錢，於是她去找Ｓ先生，因為Ｓ先生也有一條船。
豈料，Ｓ先生竟是無恥之徒，他要求Ｌ小姐獻上她的肉體，才肯載她渡河。
Ｌ小姐為了愛情，最後犧牲了自己……最後，Ｓ先生也載了她過河。

Ｍ先生的急病，最後也沒有惡化，化險為夷。
但當他知道Ｌ小姐居然犧牲了自己的貞節，他很生氣，因為他早已吩咐她不要來，何況還因此犧牲了肉體！
於是，Ｍ先生和Ｌ小姐就這樣分手了。

Ｌ小姐很傷心，不久之後，她認識了年紀較大的Ｆ先生。
Ｆ知悉了她的過去，不但不介意，還向她示愛。
雖然Ｌ小姐並不太愛Ｆ先生，但他也不太勉強 ……

問題來了：
參考故事內容，然後從故事的五位人物，Ｌ、Ｍ、Ｂ、Ｓ、Ｆ
按照你喜歡他們的程度，由好至壞排上一個等次。
例如：
 ( 1 )～Ｌ
 ( 2 )～Ｆ
 ( 3 )～Ｂ
 ( 4 )～Ｍ
 ( 5 )～Ｓ

先不要看答案哪，否則就不客觀了！

～～～～～～～～～～～～～～～～～～～～～～～～
【解析】：

這是一個美國心理學家研究出來略有名氣的心理測驗，
其實每一個故事人物都代表一個意義：

Ｌ小姐 - Love（愛情）
Ｍ先生 - Morality（道德）
Ｂ先生 - Business（事業／金錢）
Ｓ先生 - Sex（性）
Ｆ先生 - Family（家庭）

當你領會故事情節之後，對故事人物所排列出來的喜愛次序，
正正反映以上人性觀念在你心目中之排列次序。

看看你心理面的選擇……

別的不說，我選最後的是 S ……男友一定不會相信（哈哈哈哈）

話說回來，我最注重的原來是家庭、金錢、道德、愛？想想也是，家庭和金錢、道德是相關的，是一個穩定堅固的形象；愛和性卻可獨立，可望而不可追。

始終是巨蟹座。

By asasa at 08:14 | link | comments (5) | gaammes

where

話說，廢柴有機會被抽選去做陪審團，於是又滿心歡喜乘機預備好自己起碼一個星期的請假計畫。

老闆一向很看重這個馬屁小白臉，於是召喚余等馬仔過去，說了幾句毫無意義的說話，如：
「萬一佢要請假，你哋傾掂啲嘢……」（當然啦，唔通你做）
「呢壇嘢阿 sa 妳負責啦，我自己有好多嘢做……」（唔洗解釋啦唔該）
「嗱你哋請假自己拆掂啲嘢就得，搞得掂我就 approve 架嘞……」（唔通我有能力堅持唔理啲嘢咩）

然後，小白臉又頻頻同老細之之噚噚。大約對答如下：
「我驚俾人揀中……」
「好難先揀得中你既，好少揀中架……」
「咁我驚揀中咪要請假……」（咪再扮嘢啦唔該）
「噫！你着得烏 where 啲就得架啦！爛身爛世咁囉！where 到啲人唔揀你……」
「嗄？點烏 where 呀？我點着都唔 where 架喎！唔識 where 喎！哈哈哈～～」（相信配以蘭花手）

聽到呢度，相信大家都已嘔飯。我唔再講嘞。

By asasa at 14:28 | link | comments (4) | joooob

新紫葡萄島

日本 livly 方面真係好人！知道我鍾意飲白酒，又鍾意滿屋藤蔓，所以特登又整咗呢個完全免費既限定購入島！



大家都去攞個啦！橫豎又唔洗錢！仲靚過個杯島添噃！

By asasa at 17:49 | link | comments | livly